Drejtoria Vendore e Policisë së Tiranës ka dhënë detaje për vjedhjen e sotme në kryeqytet, të një automjeti, si dhe të aksidenteve që shkaktoi ai, deri në prangosjen e autorit të dyshuar.
Sipas policisë, mësohet se rreth orës 20:15 të mbrëmjes së sotme, në rrugën e “Kavajës”, mjeti tip “Hyndai”, në pronësi të Drejtorisë së Përgjithshme të Doganave, është konstatuar duke lëvizur me shpejtësi të lartë nga një patrullë Policie e ndodhur në një vendngjarje, e cila është vënë menjëherë në ndjekje. Mjeti ka ndryshuar korsinë e lëvizjes dhe nga shpejtësia tej normave ka humbur kontrollin duke përplasur katër mjete, ndër to mjetin e policisë që po e ndiqte.
Humbja e kontrollit ka bërë që të përplaset me murin e një supermarketi dhe për pasojë është dëmtuar lehtë shtetasi B. H., 62vjeç, i i cili ndodhet jashtë rrezikut për jetën dhe po i jepet ndihma në SQUT.
Më pas drejtuesi i mjetit ka dale nga makina duke u larguar me vrap.
Ky automjet dyshohet të jetë vjedhur me thyerje (pasi është konstatuar xhami anësor i thyer) rreth 20 minuta përpara ngjarjes.
Përdoruesi i autorizuar nga Drejtoria e Përgjithshme e Doganave, shtetasi Sh. Ç., ishte paraqitur ne Komisariatin Nr. 6 për të bërë kallëzim për mjetin e vjedhur.
Menjëherë shërbimet policore kanë arritur të identifikojnë dhe më pas shoqërojnë shtetasin Dritan Tufa, 35 vjeç, si autor i dyshuar i ngjarjes.
Policia shkoi në vendin e ngjarjes dhe kreu veprimet e para hetimore.
Për më shumë mund të lexoni edhe …
SI NËPËR FILMA/ Hajduti i fuoristradës, përplas makinën e policisë dhe “arratiset”
/web/SI_N_P_R_FILMA_Hajduti_i_fuoristrades_perplas_makinen_e_policise_dhe_arratiset_15639_1.php
Edhe …
VIDEO/ Momenti i përplasjes së “Hyndai”-t të vjedhur me Supermarketin, arrestohet hajduti
/web/VIDEO_Momenti_i_perplasjes_se_Hyndai_t_te_vjedhur_me_Supermarketin_arrestohet_hajduti_15642_1.php
Si edhe …
FOTO LAJM/ Ja kush është hajduti i “Hyndai”-t sonte në Tiranë
/web/FOTO_LAJM_Ja_kush_eshte_hajduti_i_Hyndai_t_sonte_ne_Tirane_15643_1.php
