Pak minuta pas publikimit nga policia e Tiranës, të videos së grabitjes me armë të një taksisti në rrjetet sociale është denoncuar emri i të dyshuarit. Komentuesi ka shkruar se autori i grabitjes është Eduart Budini nga Këlcyra.
Në këto rrethana, nga ana e efektivëve të drejtorisë Vendore të Policisë së Gjirokastrës u bë shoqërimi i personit të dyshuar, të kësaj grabitje.
Sipas burimeve të policisë vendore të Gjirokastrës, mësohet se i dyshuari është roje në repartin e Dragotit.
Sipas policisë së Tiranës, “lidhur me ngjarjen e datës 9 nëntor 2015, në rrugën ‘Tre Dëshmorët’ në Tiranë, shtetasi H. H., ka bërë kallëzim penal se një shtetas i ka kërkuar shërbimin taksi dhe para se të zbriste nga automjeti, nën kërcënimin e armës ka tentuar t’i vjedhë me dhunë lekët e xhiros ditore. Më pas agresori është larguar në drejtim të paditur.
Policia e Tiranës kërkoi ndihmën e qytetarëve për identifikimin e shtetasit me armë, që shfaqet në videon e siguruar nga grupi hetimor. Policia e Shtetit ka vënë në dispozicion 200 mijë lekë (të reja) për çdo informacion që mund të ndihmojë në identifikimin dhe kapjen e autorit të ngjarjes. Çdokush që ka informacion mund të telefonojë në numrin 0694105735
Policia e Tiranës garanton ruajtjen e anonimatit dhe ndjekje të shpejtë të çështjes, deri në zbardhjen e plotë të saj dhe vënien para përgjegjësisë së autorit”, thuhej në njoftimin e policisë së Tiranës.
Për më shumë mund të lexoni edhe …
FOTO & VIDEO/ Tiranë, grabitet taksisti me armë, policia apel për identifikimin e autorit
/web/FOTO_VIDEO_Tirane_grabitet_taksisti_me_arme_policia_apel_per_identifikimin_e_autorit_15709_1.php
