Policia ka marrë në pyetje kushëririn e Ajet Zeqos që ndodhej me të në momentin e vrasjes.
Ai është dëshmitari okular pasi ndodhej ngjitur me të në momentin e ekzekutimit.
Dëshmitarë të tjerë kanë thënë për policinë se nuk kanë parë asnjë shenjë të vrasësit i cili nuk ka vrapuar pas vrasjes por ka vijuar i qetë rrugën e tij. Megjithatë është identifikuar si një person i veshur me të zeza dhe me një kapele në kokë.
Në vendin e ngjarjes është gjetur edhe arma e krimit bashkë me silenciatorin.
Zeqo jetonte në Lilë të Francës prej gati 10 vitesh dhe atje fillimisht ka kryer punën e mekanikut dhe më pas të rojes së sigurisë në një supermarket.
Në Shqipëri Zeqo ka punuar për gati 8 vjet në polici, fillimisht si agjent I policisë kriminale dhe më pas në policinë rrugore.
