Foto Ilustruese
Shërbimi Informativ i Shtetit ka nxjerrë në shitje automjetet e përdorura prej Sigurimit famëkeq, në vitet 1975-1986. Janë tre automjete të nxjerra në ankand dhe që do të kenë një vlerë fillestare prej 480 mijë lekësh.
Në argumentin e dhënë SHISH shprehet se mjetet janë të panevojshme dhe nuk janë përdorur në një kohë afatgjatë.
Ndoshta vlera e këtyre automjeteve do të jetë në kontekstin historik.
Gjatë regjimit komunist kamionë të tillë janë përdorur si për të transportuar të burgosurit që ekzekutoheshin, por dhe për të nisur të akuzuarit drejt torturave. Gjithsesi automjetet e tipit Liaz (Saurrel) ka kohë që nuk shihen më në rrugët e Shqipërisë.
Nxjerrja në shitje e këtyre automjeteve, është e përsëritur, për shkak se në tenderin e parë, në nëntor të vitit të shkuar, askush nuk ka shfaqur interes për blerjen kamionëve të Sigurimit famëkeq të diktaturës. SHISH i rinxjerr në shtije, këtë herë duke ulur çmimet fillestare të ankandit.
NJOFTIMI
SHËRBIMI INFORMATIV I SHTETIT NJOFTIMI I ANKANDIT
1. Autoriteti shitës: Shërbimi Informativ i Shtetit, rruga: “Kongresi i Manastirit”, Tiranë Tel.: 04 2343 905.
2. Data e zhvillimit të ankandit: 28.03.2016, ora 10.00
3. Lloji i Procedurës standarde të ankandit: Procedurë e Hapur.
4. Objekti i Shitjes: Shitje automjetesh (kamiona), me lote.
5. Përshkrim i shkurtër i objektit të shitjes:
Kthimi në vlera monetare në Buxhetin e Shtetit të tre automjeteve, të vlerësuar si të panevojshëm për institucionin për një periudhë afatgjate, me të dhënat e mëposhtme:
Loti I: Benz UNIMOG Kamion, nr. i shasisë: 43511510093392, viti i prodhimit: 1976.
Loti II: Liaz (Saurrel) MT-6 Kamion, nr. i shasisë: TNI150261L2DA0084, Viti i prodhimit: 1986.
Loti III: MAN Kamion, nr. i shasisë: 02519261926, viti i prodhimit: 1975.
6. Vlera fillestare: 1 440 000, e ndarë përkatësisht sipas loteve: Loti I: 480 000 lekë. Loti II: 480 000 lekë. Loti III: 480 000 lekë.
