Një shpërthim i fuqishëm ndodhi sot në mëngjes në pjesën e nisjeve në aeroportin e Brukselit duke vrarë një person dhe plagosur disa të tjerë.
Sipas medieve belge fillimisht ka pasë të shtëna dhe më pas thirrje në arabisht pak para shpërthimit.
Shpërthimet ndodhën katër ditë pas arrestimit në Bruksel të një pjesëmarrësi të dyshuar në sulmet e militantëve të nëntorit në Paris ku u vranë 130 njerëz.
Mediat sociale treguan fotografi të tymit që kishte mbështjellë hollin e nisjeve, ku dritaret ishin shpartalluar nga shpërthimet.
Një gazetar që u ndodh në vendin e ngjarjes, tha se kishte dëgjuar dy shpërthime shumë të larta.
“Mendova se u përmbys gjithë ndërtesa. Kishte re të mëdha pluhuri dhe tymi, si dhe … Shkova drejt vendit ku ndodhi shpërthimi e pashë qindra njerëz tmerrësisht të tronditur”.
Mediat belge tha se trafiku hekurudhor në aeroport u pezullua.
Aeroporti Brukseli tha se kishte anuluar të gjitha fluturimet dhe kompleksi ishte evakuuar nga njerëzit dhe personeli.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
