Një i ri 23 vjec u mbyt sot në grykëderdhjen e Vjoës pasi një varkë me 4 persona u përmbys.
Vasil Kola, 23 vjeç, me banim në fshatin Poro – Vlorë, është zhdukur që prej 13.20 të mesditës së sotme.
Policia është njoftuar se është mbytur një shtetas në grykëderdhjen e lumit Vjosë.
Shërbimet e Policisë kanë konstatuar se në grykëderdhjen e lumit Vjosë, kanë qenë 4 shtetas duke lundruar mbi një varkë me qëllim për të kaluar në anën tjetër të lumit.
Në mes të lumit, varka është përmbysur dhe 3 prej këtyre shtetasve kanë mundur të dalin nga lumi duke notuar, ndërsa njëri prej tyre nuk ka mundur t’ia dalë dhe për pasojë dyshohet të jetë mbytur në ujë pasi ende nuk është bërë e mundur gjetja e tij.
Shërbimet e Policisë së Vlorës ndodhen në vendin e ngjarjes dhe po punojnë për gjetjen e trupit të shtetasit:
Vasil Kola, 23 vjeç, me banim në fshatin Poro – Vlorë.
Punohet për sqarimin e rrethanave dhe shkaqeve të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
