Kryeministri Edi Rama deklaroi në një intervistë për Wall Street Journal se Shqipëria ka korrupsion por ai nuk është më i madh se në Greqi. Sipas tij mënyra e vetme për ta luftuar atë është modernizimi i vendit.
Në vijim Rama ka deklaruar sërish se nëse Ballkani nuk integrohet në BE atëherë rajoni nuk është i qetë dhe mund të përfshihet në konflikte.
Në vijim janë përgjigjet e Kryeministrit Rama në dy pyetjet:
Sa ka përparuar Shqipëria në përmbushjen e kushteve të integrimit në BE, veçanërisht në lidhje me korrupsionin dhe reformimin e sistemit gjyqësor?
Ne kemi përparuar shumë. Edhe pse unë mendoj se kjo mantra e korrupsionit duhet disi të pushojë së qeni një justifikim, lufta kundër korrupsionit është modernizimi. Unë nuk mendoj se Shqipëria ka më shumë probleme të korrupsionit sesa Greqia për shembull, por Greqia është një vend i Bashkimit Evropian. Nëse Greqia vuajti aq shumë korrupsionin, kjo erdhi për shka se nuk ishte modernizuar mjaftueshëm.
Ju thoni se “paqja në Ballkan nuk mund të merret si e mirëqenë.” A mendoni se konfliktet në zonë mund të rishfaqen? Nëse është kështu, çfarë mund ta shkaktojë këtë?
Konfliktet ndodhin për shkak të frustrimeve, ndarjes, izolimit, varfërisë dhe mungesës së perspektivës. Sot në Ballkan, kemi momentin më të mirë politik ndonjëherë. Ne të gjithë jemi duke folur me njëri-tjetrin pas shumë viteve të konflik. Kjo është për shkak se njerëzit kanë ndjenjën e perspektivës, dhe kjo ka vetëm një emër: Bashkimi Evropian. Nëse kjo do të venitet, konfliktet mund të rishfaqet. Duke qenë jashtë Evropës, këto vende janë më të prekshme, një zonë gri ku gjërat mund të ndodhin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
