Një aksident i rëndë ka hedhur në Lanë një veturë ndërsa makina tjetër është përplasur me një shtyllë. Ndeshja mes dy makinave ka ndodhur ditën e sotme në Tiranë rreth orës 9:30 në bulevardin “Gjergj Fishta”.
Bëhet fjalë për një përplasje mes një automjeti tip “nissan” dhe një taksie tip “Benz”.
Dy mjetet u përplasën në kryqëzimin ku ndodhet edhe Drejtoria e Policisë së Tiranës. Përplasja qe e fortë, ndërsa drejtuesi i “nissan” ka humbur kontrollin dhe mjeti ka përfunduar në lumin Lanë.
Fatmirësisht, nuk ka persona të lënduar nga aksidenti. Policia ka shkuar në vendngjarje dhe po punon për të zbardhur shkaqet.
Pikërisht në të njëtin vend një makinë tjetër u përplas me një taksi kohë më parë duke shkaktuar një të vdekur.
Foto nga faqja F. Ilia
Qarkullimi në këtë udhëkryq është shumë i rrezikshëm edhe për kalimtarët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
