Një 49-vjeçar është arrestuar nga policia në Peqin sepse ka ushtruar dhunë ndaj bashkëshortes së tij L.S, 43 vjeçe.
Ngjarja ka ndodhur në fshatin Grykësh i Madh, ndërsa në pranga ka rënë Beqir Sinani 49 vjeç, pasi ka ushtruar dhunë fizike dhe ka kanosur me armë bashkëshorten e tij, pas disa konflikteve për motive të dobëta. Gjithashtu 49 vjeçari ka qëlluar me armë gjahu në ajër brenda ambienteve të shtëpisë.
Njoftimi i policisë:
Specialistët e Seksionit për Hetimin e Krimit ndaj Personit në Drejtorinë Vendore të Policisë Elbasan bënë arrestimin në flagrancë të shtetasit: Beqir Sinani, 49 vjeç banues në fshatin Grykësh i Madh Peqin Arrestimi i tij u bë pasi në banesën e tij, në fshatin Grykësh i Madh Peqin, gjatë një konflikti për motive të dobëta dyshohet të ketë kanosur me një arme gjahu gjysëm automatike bashkëshorten e tij shtetasen L.S,43 vjeçe, duke qëlluar në ajër brenda ambienteve të shtëpisë si dhe ka ushtruar dhunë fizike ndaj saj. Grupi hetimor sekuestroi armën e gjahut në cilësinë e provës materiale Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
