Sevelyn Gat kishte shumë dëshirë të vizitonte Azinë, por mungesave e parave e pengonte që të realizonte atë ëndërr. Megjithatë, të fantazosh nuk kushton asgjë, kështu që me ndihmën e teknologjisë vajza nga Kenia arriti të “realizonte” pushimet që projektonte prej kohësh.
Më 29 shkurt nisi ‘udhëtimi’ i saj. Në profilin e vet në Facebook e reja postoi një foto ku shihej pranë një avioni, të shoqëruar me postimin: ‘Po largohem nga vendi për të vizituar Kinën’. Asgjë e pazakontë veç faktit që fotoja ishte e realizuar me fotoshop.
Udhëtimi me fotoshop i Sevelyn vazhdoi në Facebook me vizita në vende nga më të ndryshmet dhe imazhet u bënë shumë shpejt virale. Të shumtë ishin ata që i shpërndarë në profilet e tyre imazhet, shpesh duke u tallur me të.
Vajza arriti të bënte për të qeshur me mijëra njerëz, por duket se fjala qesh mirë kush qesh i fundit është fiks për të.
Sam Gichuru, një biznesmen nga Nairobi dhe themelues i start-up Nailab, vendoi t’i dhuronte një udhëtim të vërtetë në Azi. “Kam një lajm të mirë. Bëje gati pasaportën tënde, sepse ëndrra jote është duke u bërë realitet”, i tha vajzës Gichuru, duke i rekomanduar ta harrojë fotoshopin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
