Kreu i PD-së Lulzim Basha tha se do të ketë një përgjigje me shkrim për letrën që ka marrë nga Kryeministri ndërkohë që bëri të ditur se Rama e ka publikuar letrën para se ta dërgonte atë në selinë e PD-së.
“Letrën do ta lexoj de do t’i përgjigjem me shkrim. Kemi qenë ftues për dialog dhe kemi marrë vetëm nënqeshje dhe përgjigje vulgare nga letërdërguesi i sotëm. Nuk i mbyll derën dialogut dhe nevojës për konsensus”, tha Basha vetëm pak minuta pasi letra është bërë publike.
Basha e bëri këtë deklaratë pasi u takua me të rinjtë e arrestuar nga policia gjatë protestës kundër parkut të fëmijëve.
Në vijim Basha e vuri theksin tek shkeljet antikushtetuese të parlamentit duke konsideruar deklaratat e sotme të Leskajt dhe Sulit të pamjaftueshme.
“Jemi 50 metra larg parlamentit kur ai ka kryer një krim kushtetues, në shkelje të renditi kushtetues të Shqipërisë. Një hajdut që vjedh një bukë futet brenda, kur lyen pa leje futet brenda. Parlamenti është në kushtet e një krimi pasi po vendoset mbi gjykatën Kushtetuese. Po mbron dy raste flagrante korrupsioni. Beteja jonë do të shtrohet dhe dimensionohet. Leskaj nuk duhet të hedhë hapa, Parlamenti duhet të hedhë hapa, është detyrë e tij dhe detyrim nga ligji dhe Gjykata Kushtetuese” , tha kreu i PD-së.
Në vijim Basha theksoi se protestat do të vazhdojnë tek liqeni duke paralajmëruar destabilitet të vendit nëse institucionet nuk rikthehen në ligj. “ O do të plotësojë detyrimin kushtetues ose vendi do të zhytet në anomali dhe më thellë. Sot vendi është në krizë kushtetuese. Duhet të japim një perspektivë që krizat kushtetuese të mos përsëriten më”, tha Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
