Drew Sullivan është drejtor i OCCRP (Organizata për Raportimin e Krimit të Organizuar dhe Korrupsionit), e cila operon në Evropën Lindore, Ballkan dhe Rusi dhe shumë shpejt do të sjellë emrat e përfshirë në “Panama Papers”.
Pyetjeve se kur dhe sa shpejt do të ndodhë kjo, Drew Sullivan i përgjigjet se, “Jemi ende në proces. Ende nuk janë hapur në mënyrë të thelluar dokumentet nga Shqipëria. E nisëm me Rusinë, që kishte shumë materiale, pastaj Serbinë, Rumaninë, Çekinë. Më beso, njerëzit janë duke punuar dhe ne do t’i japim emrat, sa më shpejt të jetë e mundur. Për ta bërë këtë, do të vijnë në Bosnjë, ku ne kemi qendrën, disa gazetarë shqiptarë, me të cilët OCCRP po bashkëpunon. Ne nuk e dimë kush është kush, kush nga Shqipëria, Maqedonia apo Kosova. Ata e dinë këtë“, është shprehur Sullivan për dritare.net
I pyetur se në median shqiptare është thënë që në “Panama Papers” ka emra të rëndësishëm nga Shqipëria dhe kjo duhet të ketë dalë prej gazetarëve që punojnë me OCCRP, Drew Sullivan, përgjigjet prerë.
“Kush e thotë këtë? Gazetarët të cilët po punojnë me ne, kanë rregulla strikte bashkëpunimi dhe ju është bërë e qartë të mos komunikojnë me askënd. Mesa di unë, ata e kanë mbajtur fjalën. Nuk besoj të ketë folur asnjë prej tyre. A ka emra shqiptarësh të rëndësishëm? Unë i di emrat, por urrej të flas para kohe. Kjo është një maratonë, jo një sprint”, u shpreh ai.
Drew Sullivan
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
