Kryeministri Edi Rama nuk ia doli të mbante nervozizmin dhe as të përgjigjej me takt pas një pyetjeje pak tallëse të ambasadorit amerikan në Tiranë Donald Lu, në të cilën flitej për një objekt të pazakonshëm për zyrat që Rama e mbante përballë tavolinës së tij të punës.
Ndërsa Rama po fliste në zyrat e Këshillit Atlantik në Uashington, ambasadori Lu i ka kujtuar audencës së rastit se Kryeministri është basketbollist dhe se mban edhe një kosh basketbolli në zyrë.
Fill pas pyetjes Rama ka reguar pa takt dhe fuqinë për t’iu përgjigjur me një batutë, batutës së ambasadorit duke e lënë këtë të fundit të befasuar.
Ja debati mes të dyve:
“Amerikanët dashurojnë basketbollin zoti Kryeministër. A ka diçka për të cilin basketbolli ju ndihmon që të jeni një Kryeministër më i mirë? Për të gjithë ata që nuk e dinë, Kryeministri Rama jo vetëm që ka ndërtuar një fushë basketbolli në ambientet e Kryeministrisë, por ai ka vendosur një kosh basketbolli edhe në zyrën e tij, ndaj edhe mund të gjesh në të ndonjë send të thyer”, tha Donald Lu.
“Kjo nuk është një çështje për të cilën do të flas nesër me Presidentin Obama; për fusha basketbolli në institucione apo për mënyrën se si basketbolli të ndihmon të jesh më i mirë se të tjerë”, reagoi Rama.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
