FOTO/ Divorci artistik i Agron Llakaj nga Rudina Dembacaj, ja çfarë ndodhi me çiftin e “Al Pazar”

Gjithmonë bashkë në role dyshe gjatë spekaklit “Al Pazar”, duke qenë shtylla kryesore e këtij show humori në “Vizion Plus”, që nga viti 2013, kur Rudina Dembacaj vendosi të largohej nga “Portokallia” për ndjekur Agron Llakaj. Dukej që ishte e preferuara e moderatorit të njohur, pasi edhe në serialin e tyre humoristik brenda spektaklit “Suejmani i qejflishëm i miletit”, Rudina luante Sulltaneshën Mahidevran. Por këtë sezon të ri televiziv, aktorja 27 vjeçare nga Lezha mungon në ekran, ndërsa po kërkon të gjejë veten diku tjetër.

Edhe pse as Agroni dhe as vetë Rudina nuk kanë dhënë detaje të këtij “divorci artistik” mes tyre, burime brenda “Vizon Plus” na ka rrëfyer se një konflikt mes tyre ka çuar në marrjen e këtij vendimi për të mos u shfaqur më çift në ekran. E njohur për shumë karaktere, mes të cilëve dhe nusja e Filizit apo Aja, pyetja që i bënin shpesh gazetarët Rudinës ishte se si nuk ngatërrohej me batutat brenda natës së spektaklit. E ajo ka pohuar se i detyrohej Llakajt për suportin maksimal që i ka dhënë, të cilin ajo e konsideron shkollën e saj të aktrimit, ndërkohë që ka qenë dhe autori i të gjitha teksteve të saj në “Al Pazar”.

E tani që ka më shumë kohë të lirë, Rudina i dedikohet më shumë vetes dhe argëtimit. Madje ka çuditur ndjekësit në profilin e saj në facebook, pasi me veshjen transparente nuk lë aspak vend për imagjinatën. Qëllimi i saj është të ekspozojë sa më shumë këmbët, të cilat duket se i pëlqejnë tani pas humbjes së kilogramëve.

Agron Llakaj dhe Rudina Dembacaj u njohën në show-n “Portokalli”, ku gjatë një audicioni për aktorë të rinj ishte vetë Llakaj që e përzgjodhi vajzën nga Lezha, e cila nuk kishte mbaruar studimet për aktrim. Vetë Rudina ka ndryshuar shumë në pamje që nga koha kur nuk ishte e njohur. Kujtojmë që para se t’i hynte televizionit, ajo ka qenë një vajzë mbipeshë gati 90 kilogramë. /Story/

/DRONI.al/