Kjo është 33-vjeçarja që ndihmon njerëzit të gjejnë dashurinë!

Femrat beqare të moshës 45-55 vjeçe mendojnë se nuk ka burra për ta. Por, këtyre iu vjen në ndihmë Lara Asprey, e cila ka një punë të veçantë.

Gjithashtu, ajo i ndihmon edhe të krijojnë një lidhje dashurie mes tyre. Asprey është shprehur se “ka shumë njerëz të pasur të disponueshëm, por janë të “fshehur për radarët””.

Sipas “Daily Mail”, në derën e 33-vjeçares trokasin shumë të pasur për ndihmë dhe jo vetëm meshkuj, por edhe femra të suksesshme në karrierë, por më pak në dashuri.

Kështu, javën e kaluar, një amerikan 50-vjeçar i kërkoi asaj disa këshilla. E mori me një avion privat në Kanë, aty ku banonte, dhe Lara kaloi dy ditë me të duke i ndryshuar imazhin.

“Në shumicën e rasteve, të pasurit kanë nevojë për parapërgatitje para se të dalin në një takim. Kjo është puna ime, t’i përgatis. I këshilloj për flokët dhe këpucët. Beqarët zakonisht futen në rutinën e tyre dhe vishen si të ndihen më rehat”, tregon Lara.

Sipas saj, jeta është shumë e vështirë për meshkujt e suksesshëm që i kanë kaluar të pesëdhjetat.

“Kanë një profil profesional dhe e vlerësojnë shumë privatësinë e tyre. Nuk duan të dalin në treg. Zakonisht nuk kanë kohë, pasi janë të zënë me udhëtime e punë”, shprehet 33-vjeçarja.

“Edhe pse mund të negociojnë për miliona dollarë, janë shumë të turpshëm me femrat. Nuk duan që të prezantohen me femra nga shokët apo kolegët dhe nuk duan as të njihen online. Është një punë e vështirë, por unë kam bashkuar plot çifte”, shpjegon Lara. /shekulli

/DRONI.al/