Ekipi i basketbollit Sigal Prishtina e ka mbrojtur titullin e kampionit në Ligën Ballkanike për vitin e dytë radhazi.
Sigal Prishtina në gjysmëfinale të kampionatit ballkanik e ka mposhtur Beroe-n e Stara Zagora të Bullgarisë, kurse Mornari-i e ka eliminuar Kozuv-in nga Gjevgjelia e Maqedonisë.
Krahas Sigal Prishtinës në edicionin e Ligës Ballkanike kanë marr pjesë edhe dy skuadra të tjera kosovare, Peja dhe Bashkimi nga Prizreni. Pejanët janë eliminuar në cerekfinale, kurse prizrenasit janë ndalur në fazën e dytë.
“E bukur por njekohesisht dhe e veshtire te ri-konfirmohesh kampion, por sebashku me stafin ,lojtaret dhe tifozat e Sigal Prishtina dhame gjithcka per triumfin e dyte rradhazi si fitues te Liges Ballkanike te Basketbollit.
Emocione, shpirt gare, sakrifice dhe pa dyshim … shume energji e harxhuar, shoqeruan kete rrugetim te gjate deri ne suksesin e rradhës!
Sebashku me Z.Konstandinis tashme dhe trajner i Kombetares Shqiptare te Basketbollit do te vazhdojme te punojme per nje te ardhme akoma me te mire te basketbollit mbare – Shqiptar”, tha presidenti i klubit, Avni Ponari.
