Goditet banda kriminale, arrestohen 27 persona, mes tyre 7 shqiptarë

27 persona me kombësi italiane e shqiptare janë shoqëruar në polici, pas një aksioni ndërkombëtar droge.

Siç bën të ditur policia, në pranga kanë rënë dy persona A.P 32-vjeç dhe A.N 44-vjeç në kuadër të operacionit ndërkombëtar “Dexter” që u realizua në bashkëpunim me policinë italiane ku u arrit që të shkatërrohet një grup i rrezikshëm kriminal që merren me tregtimin e drogave të llojit kokainë dhe hashash në Italinë e veriut.

Policia Italiane dhe Policia e Shtetit kanë shkëmbyer informacion në mënyrë intensive nëpërmjet Zyrës Ndërlidhëse Interforce, e cila ka qenë në komunikim të vazhdueshëm me Shërbimin Ndërkombëtar të Policisë së Shtetit dhe Shërbimet Antidrogë të Drejtorisë së Përgjithshme për Hetimin e Krimit të Organizuar dhe Krimet e Rënda.

Veprimtaria hetimore në bashkëpunim me partnerët ndërkombëtarë është në vijim në Itali, Shqipëri dhe Austri në mënyrë që të zbulohen lidhjet dhe bashkëpunëtorët e mundshëm e këtij grupi të trafikut të drogës.

Njoftimi i plotë i policisë
Policia e Shtetit arreston dy persona në kuadër të operacionit ndërkombëtar “Dexter”

Policia e Shtetit ka realizuar me sukses një operacion antidrogë në bashkëpunim me policinë italiane të emërtuar “Dexter”, në kuadër të të cilit janë arrestuar gjithsej 27 persona, me kombësi italiane dhe shqiptare.
Operacioni është zhvilluar në bashkohësi në të dy vendet gjatë mëngjesit të datës 27 prill 2016, dhe në përfundim u arrit të shkatërrohet një grup i rrezikshëm kriminal që merrej me trafikimin e tregtimin e drogave të llojit kokainë dhe hashash në Italinë e veriut është zhvilluar në bashkohësi në të dy vendet gjatë mëngjesit të datës 27 prill 2016, dhe në përfundim u arrit të shkatërrohet një grup i rrezikshëm kriminal që merrej me trafikimin e tregtimin e drogave të llojit kokainë dhe hashash në Italinë e veriut.
Policia Italiane dhe Policia e Shtetit kanë shkëmbyer informacion në mënyrë intensive nëpërmjet Zyrës Ndërlidhëse Interforce, e cila ka qenë në komunikim të vazhdueshëm me Shërbimin Ndërkombëtar të Policisë së Shtetit dhe Shërbimet Antidrogë të Drejtorisë së Përgjithshme për Hetimin e Krimit të Organizuar dhe Krimet e Rënda.
Nga ndjekja e këtyre informacioneve është bërë i mundur lokalizimi i personave me shtetësi shqiptare, të cilët ndodheshin në territorin e Republikës së Shqipërisë dhe është bërë i mundur arrestimi i tyre në bazë të arrestit ndërkombëtar të lëshuar nga autoritetet gjyqësore italiane.

Gjatë këtij operacioni janë arrestuar shtetasit A.P., vjeç 32 dhe A.N., vjeç 44, ndërsa në total janë arrestuar 27 persona, prej të cilëve 7 shqiptarë dhe 20 shtetas italianë.
Veprimtaria hetimore në bashkëpunim me partnerët ndërkombëtarë është në vijim në Itali, Shqipëri dhe Austri në mënyrë që të zbulohen lidhjet dhe bashkëpunëtorët e mundshëm e këtij grupi të trafikut drogës.

/DRONI.al/