Policia dhe prokuroria e Tiranës, kanë thelluar hetimet, ndaj fenomenit të pornografise on line, i cili fillimisht u denoncua nga emisioni investigativ “Fiks Fare” në Top Channel dhe më pas policia nisi hetimet në gjendje të lirë ndaj 5 vajzave.
Përveç chat-line-it pornografik, grupi i hetimit ka dyshime se tre vajzat e punësuara në mënyre të paligjshme nga dy menaxheret, linin takime me klientët, duke ushtruar në këtë mënyrë prostitucionin kundrejt pagesave.
Për këtë arsye, grupi i hetimit është duke verifikuar njësitë qendrore kompjuterike, që tashmë janë sekuestruar, ku pritet të zbardhen bisedat dhe caktimin e takimeve me kliente të ndryshëm.
Nëse kjo vërtetohet, atëherë mbi vajzat, mund të rëndojë edhe akuza e ushtrimit dhe shfrytëzimit të prostitucionit. Ky aktivitet i paligjshëm kryhej në dy ambiente të marra me qera nga menaxherët e kompanisë “Adult Work”, chat line, njëri në Rrugën e Kavajës dhe tjetri pranë Unazes së Re.
Paralelisht me këtë hetim, policia pritet të verifikojë edhe dhjetra salla të tjera call center që ushtrojne aktivitetin në kryeqytet.
/ Top Channel
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
