Zbulohet se kush e prezantoi Anisën me ish-kryebashkiakun dhe se kush e rekomandoi atje për punë. Sipas rrëfimit të nënës së vajzës 20-vjeçare protagoniste në video, ka qenë gruaja e tij, Shukri Xhelilit, Tefta Xhelili, ajo që e kishte prezantuar dhe rekomanduar.
“Për të herë është njohur me gruan e kryetarit, i kam kërkuar unë punë dhe më tha ‘do ta bisedoj me kryetarin’. Ajo tha ‘do t’i them burrit’. Vajza i shkoi të zyra dhe kryetari i kishte premtuar që po, i kishte thënë ‘që qenke goc e bukur, goc e zgjuar, do të të fus në punë’”, ka rrëfyer e ëma e Anisës.
E ëma e 20-vjeçares, ka rrëfyer më tej në një intervistë për “Gazeta Shqiptare”, se si Shukri Xhelili e bezdiste shpeshherë vajzën duke i kërkuar të shkonte në zyrë dhe duke i dërguar mesazhe.
“Goca ka bërë një kërkesë për punë. Kryetari i ka thënë ‘do ta shohim, do vish pas ca ditësh dhe do të jap llafin për punë’. Ka shkuar goca pas ca ditësh, iu bënë 2-3 herë që ka shkuar, dhe i ka thënë ‘do firmosësh por me një kusht që do bësh si të them unë’. Edhe goca ka firmosur. Gjatë kësaj kohe goca ka filluar punë dhe ai e merrte përditë në telefon dhe i dërgonte mesazhe. I bënte lloj-lloj muhabetesh. Goca shkonte te zyra, paraqitej te zyra dhe pastaj i kërkoi takim gocës nga muaji prill”, thotë ndër të tjera mamaja e 20-vjeçares.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
