Foto Ilustruese
Specialistët për Krimet në Komisariatin e Policisë Krujë, arrestuan në flagrancë Dritan Kola 44 vjeç, banues në Krujë, pasi në rrugën Laç – Fushë-Krujë, pranë karburant “Gega Oil”, duke drejtuar mjetin tip “Benz” me targa KR 4505 A është përplasur me mjetin tip BMË me targa AA 055 MT, me drejtues G. Z., 37 vjeç, banues në Fushë-Krujë.
Për pasojë, janë aksidentuar drejtuesi i mjetit tip BMW, bashkëshortja e tij, M. Z. 32 vjeçe dhe dy fëmijët, jashtë rrezikut për jetën.
Gjatë testit të alkoolit rezultoi se shtetasi Dritan Kola ishte në gjendje të dehur.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale ”Shkelja e rregullave të qarkullimit rrugor”dhe “Drejtimi i automjeteve në mënyrë të parregullt” parashikuar në nenet 290 dhe 291 të Kodit Penal.
