Lulzim Elmazaj
Një emigrant shqiptar në Greqi i humbi të gjitha kursimet e tij kur në korrik të vitit 2013 dy të rinj që po udhëtonin në një taksi me të për të ardhur në Shqipëri, e grabitën me armë. F. O ishte kërcënuar me një automatik dhe një pistoletë nga dy të rinjtë që i kishin kërkuar t’i merrte në taksi, në një vend pushimi në rrugën Larisa – Athinë.
Ai e raporton ngjarjen në policinë greke.
Kohë më vonë, i kthyer në Shqipëri, ai sheh foton e njërit prej grabitësve në gazetat shqiptare, që e kishin publikuar në mesin e një bande grabitësish që vepronte në Greqi dhe që ishte shpallur në kërkim. Ishte Lulzim Elmazaj. Menjëherë ai i drejtohet policisë dhe Elmazaj identifikohet dhe arrestohet në Vorë më 25 shkurt të vitit 2015.
Prokuroria e Tiranës, në bazë të referimit policor, nis hetimet dhe arrihet të zbulohet vendndodhja dhe arrestimi i Lulzim Elmazajt. Gjatë pyetjes, ai ka pranuar se është autor i vjedhjes me dhunë të mjetit të shtetasit F. O., por nuk ka pranuar se ka qenë i armatosur.
Prokuroria e Tiranës ka kërkuar që ai të dënohet me 15 vjet burg.
Në kërkesën për dënim, organi i akuzës zbardhi edhe ngjarjen e plotë të ndodhur në korrik 2013 në Larisa të Greqisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
