Foto Arkiv – Ardian Çipa duke hyrë në Prokurorinë e Tiranës
Ardian Çipa, zëvendësdrejtori i Policisë së Shtetit, është thirrur dhe ka dëshmuar sot për më se dy orë nga prokurori e Tiranës, lidhur me pajisjen e përgjimit që ka policia shqiptare.
Çipa ka dhënë sqarime për rrethanat që është marrë kjo pajisje në dorëzim nga policia shqiptare.
Përveç kësaj, zëvendësdrejtori i Policisë së Shtetit ka sqaruar edhe detaje rreth përdorimit të saj nga ana e policisë.
Pritet që sqarime në Prokurori të japë në ditët në vijim edhe Haki Çako.
Opozita, akuzon qeverinë se po përgjon zyrtarë të lartë vendas dhe të huaj, teksa pak ditë më parë, ish-kryeministri Sali Berisha publikoi një listë me personat që sipas tij policia po i përgjon.
