Bashkia e Tropojës organizoi sot ceremoninë për dhënien e emrit “Mustaf Bajraktari” sheshit kryesor në qendër të ish- Komunës Tropojë (Tropojë e vjetër).
Vendimi për dhënien e emrit “Mustaf Bajraktari” këtij sheshi është marrë që më 13 maj 2008 nga Këshilli Bashkiak i komunës të Tropojë, kur edhe e shpalli “Qytetar Nderi” të saj, Mustaf Bajraktarin “Martir i Demokracisë”, djaloshi që donte të prekte “Ëndrrën Amerikane”, qëndrestari kryengritës e sakrifikues deri në vetëmohim.
Në ceremoninë e organizuar me kujdesin personal të kryebashkiakut të Tropojës Bensik Dushaj, merrnin pjesë deputetja e PD, Mimoza Hajdarmataj, trashëgimtari i familjes Mbretërore, Pricni Leka, si dhe shumë të ftuar të tjerë.
Pjesë nga fjala përshëndetëse e deputetes Mimoza Hajdarmataj
Miq të nderuar!
Vëllezër e motra të Malësisë së Gjakovës!
Dera e Mustaf Bajraktarit, së cilës Mustafai ia rriti edhe më shumë emrin, na ka mbledhur sot në këtë ngjarje.
Kjo derë e flamurtarit të Shipshanit ka kontibut të njohur në Malësi dhe prej cilido pjesëmarrës këtu dihen vështirësitë e mbajtjes së titullit ” Bajraktar” dhe në këtë rast, mundet të themi me gojën plot se Mustafai jetoi e veproi si një flamurtar.
Mustaf Sali Bajraktari është vlerësuar edhe nga Presidenti i Republikës me dekoratën “Martir i Demokracisë”, si dhe nga Komuna si “Qytetar Nderi” i saj.
Por përjetësimi i emrit të Tij në këtë shesh të Tropojës është një tjetër nismë që duhet përshëndetur.
Malësia e Gjakovës krenohet me bijtë e Saj.
Falënderoj Bashkinë për organizimin dhe dhënien e emrit të Mustaf Bajraktarit këtij sheshi.
Falënderoj po ashtu autorin e monografisë, “Bajraku i Lirisë”, z. Ndue Ukcama.
Qoftë i përjetshëm emri i Tij.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
