Presidenti Bujar Nishani dekretoi sot rektorët e rinj të universiteteve publike, në një ceremoni të mbajtur në Presidencë ndërkohë që përmendi edhe incidentin e rëndë që shoqëroi zgjedhjet akademike. Duke iu referuar kërcënimit që iu bë rektorit Mynyr Koni për tu tërhequr nga gara, presidenti tha se zgjedhjet e fundit të organizmave drejtues treguan mes të tjerash se profesorati triumfon edhe në raste të caktuara të trysnisë nga krimi.
“Procesi i zgjedhjes suaj tregoi se vota e lirë është vendimtare në një demokraci.
Reforma në kuadër të arsimit të lartë ka në qendër universitetin dhe studentët. Kjo reformë është e mbështetur dhe mbetet esenciale për të gjithë shoqërinë tonë. Autonomia universitare është thelbi i vetëqeverisjes, e nevojshme për vendimmarrje efektive’, deklaroi presidenti Nishani.
Rektorët e rinj të universiteteve shqiptare
Universiteti i Tiranës: Mynyr Koni
Universiteti i Mjekësisë: Arben Gjata
Universitetit Politeknik: Andrea Maliqari
Universiteti Bujqësor: Bahri Musabelliu
Universiteti i Arteve: Kastriot Çaushi
Universiteti i Sporteve: Agron Cuka
Universiteti i Durrësit: Kseanela Sotirofski
Universiteti i Vlorës: Roland Ziso
Universiteti i Elbasanit: Skënder Topi
Universiteti i Shkodrës: Adem Bekteshi
Universiteti i Gjirokastrës: Bektash Mema
Universiteti i Korçës: Ali Jashari
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
