Kryetari i Kuvendit Ilir Meta tha se ka kërkuar një takim me shefin e opozitës Lulzim Basha për reformën në drejtësi ndërkohë që ka sqaruar se përfshirja e votimit të reformën në kalendarin punimeve të Parlamentit ka qenë keqkuptim i administratës.
“Kjo cështje është sqaruar edhe me kryetarin e grupit të PD, Paloka. Ka qenë keqkuptim i shërbimeve të Kuvendit dhe kjo cështje nuk është në kalendarin e Kuvendit, ndërkohë që është cështja më e rëndësishme.
Dua të bëj të ditur se si kryetar i Kuvendit i kam dërguar sot një ftesë dhe kërkesë zyrtare zotit Lulzim
Basha për tu takuar me të në cdo kohë dhe vend që e cmon të arsyeshme apo cfarëdo lloj formati deri ditën e hënë se pasi jam i bindur se tashmë jemi të vonuar me kalendarin e ndryshimeve kushtetuese për reformën në drejtësi që nuk është përfshirë në kalendar për mungesë të kompromisit përfundimtar”.
Kryetari i Kuvendit Ilir Meta ka ndarë veten nga një votim i njëanshëm i reformës duke përsëritur disa herë se procesi duhet të ketë legjitimitetin dhe integritetin e duhur, në ndryshim nga Kryeministri Rama por edhe deklarata një ditë para takimit e zyrtares se lartë të BE, Mogherini.
“Ky proces duhet të zhvillohet sipas standardeve të Venecias, sugjerimeve të Opdat dhe Euralius dhe procesi duhet të gëzojë edhe legjitimitetin dhe integritetin plotë që i nevojitet vendit.
Duhet të ishte përfshirë më kohë në kalendarin kuvendit dhe besoj se edhe më vullnetin etë gjitha palëve , edhe opozitës të fitojmë kohën e humbur. Votimi me cilësinë e duhur, legjitimitetin dhe integritetin duhur është i rëndësishëm për të rritur besueshmërinë e vendit për të marrë rekomandimin e negociatave për anëtarësim në BE”, deklaroi Ilir Meta.
Pak ore para deklarimit per nje takim Meta-Basha, kryetari i Kuvendit pati nje takim me ambasadoret Lu dhe Vlahutin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
