Komuniteti Mysliman i ka adresuar nga një letër personale çdo deputetit, të cilëve ju kërkojnë të mos shprehen për ndryshimin e pikës 2 të nenit 18 të Kushtetutës
Sipas kësaj kërkese, Përfaqësues të Komunitetit Mysliman në Shqipëri, kërkojnë heqjen e togfjalëshit “orientim seksual” nga lista e shkaqeve për mosdiskriminim.
Kjo është letra e dytë, sepse letra e parë nuk mori përgjigje zyrtare.
Ndërkohë, deputetët, dikush në mënyrë publike, të tjerë pas dyerve të mbyllura, janë pozicionuar lidhur me përfshirjen e “orientimit seksual” në pikën 2 të nenit 18 i cili përcakton shkaqet për mos-diskriminim.
Mos diskriminimi për shkak të orientimit seksual, sipas komunitetit mysliman, lë hapësirën ligjore për funksionimin e martesave të personave të së njëjtës gjini.
KUSHTETUTA E REPUBLIKËS SË SHQIPËRISË
PJESA E DYTË
TË DREJTAT DHE LIRITË THEMELORE TË NJERIUT
KREU I
PARIME TË PËRGJITHSHME
Neni 18
1. Të gjithë janë të barabartë përpara ligjit.
2. Askush nuk mund të diskriminohet padrejtësisht për shkaqe të tilla si gjinia, raca, feja, etnia, gjuha, bindjet politike, fetare a filozofike, gjendja ekonomike, arsimore, sociale ose përkatësia prindërore.
3. Askush nuk mund të diskriminohet për shkaqet e përmendura në paragrafin 2, nëse nuk ekziston një përligjje e arsyeshme dhe objektive.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
