Policia e Durrësit servir sot “pjesën e dytë” të lajmit të prangosjes së Bedri Hakës dje

Prangosja e djeshme e Bedri Hakës nga polica e Durrësit kaloi me zhurmë mediatike për shkak se ndërsa polica pretendo se ai ishte person i shpallur në kërkim për vrasjen e Leonard Murataj, një vendim gjykate e nxjerr atë të pafajshëm.
Pas këtyre “këmbimeve” të informacionit, policia e Durrësit “u përtyp” me një deklaratë të saj, ku pretendonte se nuk ishte njohur me ndonjë vendim pafajësie të Bedri Hakas.
Por, nxitimi i policisë së Durrësit për të shitur dje prangosjen e “të pafajshmit” Bedri Haka si sukses, zbulon diçka tjetër sot. Dështimi i “suksesit mediatik” me këtë arrestim, ka nxitur policinë e Durrësit që të vazhdojë sot me “pjesën e dytë” të lajmit të djeshëm. Dhe sipas njoftimit të policisë, serviret në tjetër “motiv” për prangosjen e Hakës, sipas të cilit, ai dhe dy bashkëpuntorë, nuk i janë përgjigjur thirrjes së policisë për të ndaluar. Kjo zbulon se në ngjarjen e djeshme të arrestimit të të shpallurit në kërkim, qenkan prangosur edhe dy persona të tjerë, por që polica e Durrësit vetëm sot i bënë publike këto fakte. Arrestimi i tyre si apës policisë u bë sepse nuk ia janë përgjigjur policisë për të ndaluar dhe se në makinën e tyre kishin një (jo)të kërkuar.

Njoftim për Shtyp (i sotmi) i Policisë së Durrësit

Nuk i binden urdhrit të Forcave Operacionale për të ndaluar, pasi në mjet kishin shtetasin Bedri Haka.
Arrestohen në flagrancë dy shtetas.

Specialistët për Krimet në Komisariatin e Policisë Krujë, më datë 18.06.2016,    arrestuan në flagrancë shtetasit:
• Xhemali Prushi 22 vjeç, banues në Fushë-Krujë;
• Skerdi Prushi 19 vjeç, banues në Fushë-Krujë.
Arrestimi I tyre u bë pasi:
Në Larushkë, Krujë duke udhëtuar me mjetin tip Golf me targa AA 430 IG, me drejtues shtetasin Xhemali Prushi, dhe pasagjerë Bedri Haka dhe Skerdi Prushi nuk u kanë qëndruar Forcave Operacionale Lëvizëse.
Arsyeja e mosbindjes ka qenë fakti pasi në  automjet ndodhej edhe shtetasi Bedri Haka, shpallur në kërkim i dyshuar për veprat penale” Vrasja me paramendim” dhe “Prodhimi dhe mbajtja pa leje e armëve dhe municioneve luftarake” parashikuar në nenet 78 dhe 278/4 të Kodit Penal (i ndaluar më datë 17.06.2016).
Uniformat blu u vunë në ndjekje të tyre ku menjëherë kanë bërë të mundur ndalimin e shtetasit Bedri Haka dhe Xhemal dhe Skerdi Prushi.
Materialet i kaluan  Prokurorisë  Rrethit Gjyqësor Krujë  për veprat penale” Përkrahja e autorit të krimit” dhe ” Mosbindja ndaj urdhrit të punonjësit të policisë të rendit publik” parashikuar në nenet 302 dhe 242 të Kodit Penal.

/DRONI.al/