Finalizohimi i operacioni “Clean 2016”, ka mundësuar sekuestrimin e produkteve të dyshuara të falsifikuara, ndërsa mësohet se janë arrestuar edhe tre persona në flagrancë.
Sipas burimeve të policisë Vendore të Tiranës, mësohet se sot, specialistët e Krimit Ekonomik-Financiar, në bazë të informacioneve që zotëronin, se në zonën e “Misto Mames”, disa persona ushtronin aktivitetin e jashtëligjshëm të prodhimit, ambalazhimit dhe shitjes të produkteve të falsifikuara, bënë të mundur kapjen në flagrancë të Arben Dragani, Lirie Këllëçi dhe Altin Hoxha.
Të njëjta burime saktësojnë se këta persona, kishin marrë një banesë me qira në zonën e “Misto Mames”, të cilën e përdornin për prodhimin e detergjenteve dhe shampove të markave të ndryshme, si, “Ace”, “Fairy”, “Mastro Lindo”, “Frutis”, “Wash & Go”, “Pantene”, “Nivea”, etj.
Materialet iu kaluan Prokurorisë pranë Gjykatës së Shkallës së Parë Tiranë, për veprat penale “Falsifikimi i vulave, i stampave ose i formularëve”, “Prodhimi i kundërligjshëm i artikujve dhe mallrave industrialë dhe ushqimorë”, “Fshehja e të ardhurave” dhe “Shkelja e të drejtave të pronësisë industriale”, parashikuar nga Nenet 190/2, 288/a, 180 dhe 149/a të Kodit Penal
Të arrestuarit
– Arben Dragani, 47 vjeç, banues në Tiranë, ish punonjës i policisë bashkiake, i dënuar më parë për të njëjtën vepër penale.
– Lirie Këllëçi, 47 vjeçe, banuese në Tiranë
– Altin Hoxha, 41 vjeç, banues në Tiranë
Sekuestruar në cilësinë e provës materiale
• Detergjente të markave të ndryshëm, 70 copë
• Paketim detergjentesh bosh 90 copë
• Shampo të markave të ndryshëm 270 copë
• Stampa të markave të ndryshme 5 topa
• Dy fuçi me lëndë të dyshuar detergjenti
