Prokuroria e Posaçme Kundër Korrupsionit dhe Krimit të Organizuar (SPAK) ka goditur një rrjet të dyshuar ndërkombëtar të trafikimit të kokainës dhe pastrimit të produkteve të veprës penale, duke lëshuar masa sigurie për 20 persona dhe duke vendosur sekuestro mbi një numër të madh pasurish të paluajtshme, llogarish bankare, shoqërish tregtare dhe automjetesh luksoze.
Sipas SPAK, hetimet në kuadër të procedimit penal nr. 287/1 të vitit 2021 lidhen me veprat penale të “Trafikimit të lëndëve narkotike”, “Pastrimit të produkteve të veprës penale”, “Grupit të strukturuar kriminal” dhe “Kryerjes së veprave penale nga organizata kriminale”.
Me vendim të Gjykatës së Posaçme janë caktuar masat “Arrest në burg” për:
- Alfredo Hamzai
- Ardian Zykaj
- Adrian Rama
- Artur Shehu
- Arben Ismaili
- Elton Memeti
- Orgest Birçaj
- Orest Sota
- Dritan Aga
- Luciano Koçeku alias Artur Koçeku
- Astrit Vladi
- Kastriot Vladi
- Dino alias Abedin Koçeku
- Ervin Koçeku
- Ilir Shtufi
Ndërsa masa “Arrest në shtëpi” është caktuar për:
- Gezim Islami
- Leonard Bishaj
- Edmond Jaupi
- Besnik Myftari
- Erjon Rama
SPAK bën me dije se autoritetet greke kanë arrestuar Ilir Shtufin, ndërsa në Shqipëri janë ekzekutuar disa nga masat e sigurisë dhe vijojnë kërkimet për personat e tjerë.
Sipas hetimeve, Alfredo Hamzai dhe Luciano Koçeku alias Artur Koçeku dyshohet se kanë pasur rol drejtues në organizimin e trafikut ndërkombëtar të kokainës nga vendet e Amerikës Latine drejt Europës, përmes porteve të Belgjikës, Spanjës dhe Holandës. Në aktivitetin kriminal dyshohet se kanë qenë të përfshirë edhe Orgest Birçaj, Orest Sota, Adrian Rama, Elton Memeti, Dritan Aga dhe persona të tjerë.
Një nga episodet kryesore të hetimit lidhet me sekuestrimin e 441 kilogramëve kokainë në Barcelonë, ndërsa janë dokumentuar edhe raste të tjera në Holandë, Itali dhe Mbretërinë e Bashkuar.
Paralelisht me hetimet për trafikun e drogës, SPAK ka dokumentuar dyshime për pastrim parash nga Adrian Rama, Elton Memeti, Erjon Rama, Alfredo Hamzai, Ardian Zykaj, Luciano Koçeku, Orgest Birçaj dhe Orest Sota, të cilët dyshohet se kanë investuar të ardhura me origjinë kriminale në pasuri të paluajtshme, projekte ndërtimi dhe kompani tregtare.
Gjithashtu, Artur Shehu, Arben Ismaili, Besnik Myftari dhe Edmond Jaupi dyshohet se kanë kryer veprime për fshehjen e origjinës së pasurive dhe integrimin e fondeve të paligjshme në ekonominë formale.
Sekuestro pasurish me vlerë mbi 128 milionë euro
Me vendimin nr. 427, datë 12 qershor 2026, Gjykata e Posaçme ka vendosur sekuestro preventive mbi pasuri që lidhen me kontrata shitjeje nga Artur Shehu dhe persona të tjerë drejt kompanisë “A…L…D… sh.a.”. Vlera e përgjithshme e sekuestros paraprake arrin mbi 128.4 milionë euro.
Po ashtu, me vendimet nr. 432 dhe nr. 435 janë sekuestruar:
Vila dhe apartamente
- Dy vila në Green Coast, Palasë;
- Një vilë në Gjilekë;
- Dy vila të tjera në Green Coast;
- Dy vila në kompleksin Rolling Hills në Tiranë;
- Shtatë vila dhe dy apartamente në Jalë, Vuno, Himarë;
- Një vilë tjetër në Gjilekë;
- Katër apartamente dhe një depo në Tiranë;
- 38 apartamente të tjera në Tiranë;
- 23 apartamente shtesë në kryeqytet.
Llogari bankare
- 336 llogari bankare në banka të nivelit të dytë;
- Mbi 6.2 milionë euro dhe 9 milionë lekë që dyshohet të përfitohen nga shoqëri tregtare.
Truall dhe toka
- Pasuri në Sallmone të Shijakut;
- Truall në Sarandë;
- 11 prona me sipërfaqe mbi 113 mijë metra katrorë në Gjilekë të Vlorës;
- Truall në rrugën “Dervish Hima” në Tiranë;
- Pasuri me sipërfaqe 2 mijë m² në Green Coast;
- Pasuri të tjera me sipërfaqe 478.7 m² në Gjilekë.
Shoqëri tregtare
- “K…83” në Tiranë;
- “K…83” në Prishtinë;
- “A…F… P…”;
- “P….I….”;
- “T… S”;
- “M…. B… shpk”;
- “G… I”;
- “I…. G”;
- 30% e kuotave të shoqërisë “U..C LTD”.
Hotel
- Hoteli “AP… B” në zonën e Lungomares në Vlorë.
Automjete dhe mjete lundruese
- Audi S8;
- Mercedes-Benz G-Class;
- Lamborghini;
- Një tjetër Mercedes-Benz;
- Një mjet lundrues 13.8 metra;
- Një gomone 9.6 metra;
- 15 mijë euro të sekuestruara si ekuivalent i shitjes së një automjeti Land Rover.
SPAK njofton se hetimet vijojnë në bashkëpunim me autoritetet e Francës, Belgjikës, Spanjës, Italisë, Britanisë së Madhe, Greqisë, si dhe me Eurojust dhe Europol, për dokumentimin e plotë të aktivitetit kriminal dhe identifikimin e pasurive të tjera që dyshohet se burojnë nga trafiku ndërkombëtar i drogës.a.b
