Tre hetime të veçanta të hetuesve italianë çmontuan një organizatë shqiptare që merrej me grabitje të shumta. Ndërsa fakte të reja kanë dalë në dritë nga organizata që vepronte në Torino, ndërsa ka kryer më shumë se 100 grabitje.
Operacioni i gjerë u kodua “Selfia”, për shkak se dy nga shqiptarët e arrestuar i kishin dërguar gabimisht në një mesazh privat fotot pronarit të një banese që kishin grabitur.
Nëpërmjet folderit nga tableti dërgoheshin automatikisht të dhëna dhe hetuesit bënë të mundur identifikimin e tyre.
Me sa duket, shqiptarët nuk u treguan të kujdesshëm në këtë rast siç ndodhte me grabitjet.
Të gjithë shqiptarët e arrestuar janë të moshës nën 30 vjeç. “Vizitat” e shpeshta te banorët e Torinos krijuan jo pak shqetësim tek ata. Grabitjet e tyre kanë nisur në fund të vitit të shkuar. Hetimet kanë zbuluar hartën e grabitjeve të 20 anëtarëve të bandës që shtrihet në zona të ndryshme të Torinos.
Shqiptarët banonin përveç se në këtë zonë edhe në Trento dhe Milano. Pasi hynin nëpër banesa, përdornin gjithmonë të njëjtën metodë: vendosnin prapa dyerve mobilie ose sende të tjera për t’u siguruar që nuk vinin pronarët.
Nuk ka raste dhune të regjistruara. Të paktën 25 mijë euro para të gatshme janë sekuestruar nga policia e bashkë me to edhe bizhuteri, stoli dhe sende të tjera me vlerë. Shuma e përgjithshme përllogaritet 200 mijë euro.
10 persona janë dërguar në burg në veri të Italisë, ndërsa 7 të tjerë dyshohet se janë kthyer në Shqipëri, për të cilët do të lëshohet urdhër-arresti ndërkombëtar. Tre anëtarë të tjerë të bandës po kërkohet në mënyrë intensive në vendin fqinj.
Për më shumë mund të lexoni edhe …
FOTO/ Goditet banda shqiptare e grabitjeve në Itali, akuzohen për 114 vjedhje me vlerë mbi 200 mijë euro
/web/FOTO_Goditet_banda_shqiptare_e_grabitjeve_ne_Itali_akuzohen_per_114_vjedhje_me_vlere_mbi_200_mije_euro_21402_1.php
