Grabitja në Rinas, Policia 30 mijë euro për cilindo që informon për autorët

Policia e Durrësit i drejtohet për ndihmë qytetarëve, duke kërkuar bashkëpunimin e tyre për identifikimin dhe kapjen e grabitësve tw Rinasit.
Në një deklaratë për mediat, policia e Durrësit njofton se vë në dispozicion shumën prej 30.000 Euro për çdo shtetas, i cili jep informacion të rëndësishëm që do të ndihmojë grupin hetimor në identifikimim dhe kapjen e autorëve, si dhe informacion të nevojshëm në lidhje me lëvizjet paraprake të mjetit me të cilën u krye vjedhja.
“Ne ju garantojmë që çdo informacion do të vlerësohet maksimalisht nga grupi hetimor dhe do të ruhet anonimati i çdo qytetari që do të bashkëpunojë me Policinë. Për çdo informacion jeni të lutur të telefononi në numrin 0694110217 ose të shkruani në adresën e-mail, policiadurres@gmail.com si edhe në faqen zyrtare në rrjetin social ‘Facebook’, Drejtoria e Policisë Qarku Durrës”, njofton policia.
Policia duke falënderuar qytetaret për bashkëpunimin siguron se Drejtoria Vendore e Policisë Durrës, po shfrytëzon të gjitha kapacitetet e saj për zbulimin dhe vënien para përgjegjësisë penale të autorëve.