Partia Socialiste ka vendosur të mbrojë imunitetin e zv.kryeministres dhe ministres së Infrastrukturës dhe Energjisë, Belinda Balluku.
Vendimi është bërë i ditur në mbledhjen e grupit parlamentar të PS, ku ministri i Drejtësisë, Ulsi Manja, ka lexuar argumentet mbi qëndrimin e mazhorancës lidhur me kërkesën për heqjen e imunitetit.
Sipas Manjës, pas shqyrtimit të çështjes është vlerësuar se masa e pezullimit nga detyra është e mjaftueshme dhe nuk është e nevojshme të ndërmerret një hap tjetër ndaj Ballukut.
Diskutimi është zhvilluar në kuadër të procedurave parlamentare për kërkesën e paraqitur ndaj zv.kryeministres, ndërsa grupi socialist ka vendosur të mos mbështesë heqjen e imunitetit të saj.a.b
