Zbulohen pamjet e momentit të grabitjes në aeroportin e Rinasit ku 3 persona të maskuar dhe të armatosur arritën që të vidhnin një sasi të konsiderueshme eurosh të një banke të nivelit të dytë në pistë, teksa po transportoheshin nga terminali në avion.
Sipas edhe pamjeve filmike, fillimisht njëri nga 3 autorët kapërceu portën e shërbimit të aeroportit që përdorej vetëm për raste të veçanta duke thyer kyçin duke e hapur për t’u futur me makinën e kuqe tip “Benz”.
Porta nga e cila u futën grabitësit nuk është funksionale, konsiderohet si gardh dhe përdoret vetëm në raste të veçanta.
Pasi kaloi në rrugën perimetrale të aeroportit brenda rrethimit, makina hyri në zonën e vendqëndrimit të avionëve dhe iu afrua portës ku ndodhej i parkuar furgoni i sigurisë së ‘Nazeri 2000’ që u grabit.
Kabina e pikës së kontrollit ku ka edhe prezencë policie është vetëm 10 metra lag vendit të ngjarjes, ku tre personat e maskuar dhe të armatosur arritën që të realizon grabitjen, por nga ana e efektivëve nuk kishte asnjë reagim.
Pas grabitjes së thasëve me para autorët janë larguar në të njëjtën rrugë, por duke kaluar fillimisht nga stacioni i karburant, teksa më pas golin nga porta që shkallmuan dhe u futën në fillim.
Pas grabitjes është përgatitur edhe raporti i turnit të menaxherit të aeroportit në detyrë, që ka njoftuar policinë.
Kamerat e sigurisë kanë arritur që të regjistrojnë të gjithë dinamikën e grabitjes në aeroportin ndërkombëtar të Rinasit.
Ndërsa pamjet e fiksuara nga kamerat e sigurisë janë sekuestruar nga prokuroria e Krimeve të Rënda, e cila ka nisur hetimet për identifikimin dhe arrestimin e autoreve të grabitjes spektakolare.
Për të ndjekur pamjet filmike, klikoni në linkun …
