Foto Ilustruese
Tre shpërndarës droge, që prej kohësh mbaheshin nën survejimin e policisë janë kapur mat në zonën e “Myslym Shyrit” teksa po tentonin të shpërndanin mallin. Por në momentin që agjentët e antidrogës të veshur civilë kanë dashur të ndërhyjnë, shpërndarësit, emrat e të cilëve nuk bëhen ende të ditur, tentuan të shpëtojnë me çdo mënyrë, edhe pse e pësuan më keq.
Tre personat tentuan t’i shpëtonin policisë, duke u larguar me makinën e zezë tip Benz
(foto poshtë), kur ndodheshin në rrugën “Myslym Shyri” në Tiranë, aty ku do shpërndanin edhe drogën, por në ikje e sipër ata kanë bërë aksident.
Me tu përplasur me një makinë tjetër, forcat e policisë kanë qëlluar në ajër me armë për t’i neutralizuar, ndërsa arrestimi në flagrancë është bërë nga agjentët civilë të antidrogës dhe forcat Shqiponja.
Gjatë kontrollit në mjetin e tyre u gjet 1 kg heroinë dhe një sasi e vogël kanabisi. Hetimet për këtë grup vijojnë ende, ndërsa pritet që më shumë detaje nga ky operacion të zbulohet në orët në vijim. BW
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
