Prokurori i Krimeve të Rënda, Besim Hajdarmata, deklaroi se ndaj të arrestuarve të operacionit “Ballkan” do të aplikohet hetimi pasuror në bazë të ligjit “antimafia”.
Po kush janë biznesmenët që ishin të përfshirë në trafikun e drogave të forta në Shqipëri”
Ai bëri me dije se pasuritë e të pandehurve dhe të rrethit të tyre familjar e të afërmve do të verifikohen dhe, nëse dalin se kanë pasur krimin si burim, do të bllokohen.
Policia bën me dije se Shyqyri Kotorri është vëllai i Hikmet Kotorrit, i vrarë në vitin 2013, shkruan gazeta Panorama mbështetur në një raport të policisë. “Kanë firmë ndërtimi ‘Kotorri-SL sh.p.k.’ dhe ‘Hapë- sira X’.
Shtetasi Shyqyr Kotorri ka qenë në kërkim nga Drejtësia greke për vepra penale në fushën e trafikimit të lëndëve narkotike dhe të krimit të organizuar”. Kompania e tij ka investuar në ndërtim mbi 6 milionë euro, kryesisht pallate të ndërtuara në Rrugën e Elbasanit. Policia thotë se ka dyshime se po ndërton edhe në zonën e Freskut. Lekët dyshohet se i kanë përfituar kryesisht nga trafikimi i lëndëve narkotike.
Biznesmeni Nuredin Nazëraj, i cili është mes personave të arrestuar, është i njohur në fushën e trafikimit të lëndëve narkotike, bën me dije Policia e Shtetit, cituar nga Panorama.
Sipas burimeve zyrtare, mësohet se ai ka qenë dhe më parë i arrestuar për veprën penale të trafikimit të lëndëve narkotike.
“Në vitin 2014, djali i tij ka kryer një vrasje në Vlorë për motive të dobëta. Është pronar i hotel ‘Delfini’ në Vlorë”, theksohet në një raport të Policisë së Shtetit në lidhje me aksionin antidrogë “Ballkan”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
