Ergys Agasi, të cilin SPAK e akuzon si pjesë e një grupi të strukturuar kriminal të lidhur me AKSHI-n dhe ndaj të cilit është caktuar masa e sigurisë “arrest në burg”, ndodhet aktualisht jashtë vendit për arsye biznesi.
Avokati i tij, Maks Haxhia, deklaroi para Prokurorisë së Posaçme se klienti i tij nuk ka asnjë lidhje me tenderët e AKSHI-t dhe as me akuzat e ngritura nga SPAK. Sipas tij, informacionet janë bërë publike pa iu komunikuar më parë personit nën hetim dhe mbrojtjes ligjore.
“Para se t’i jepen medias, këto të dhëna duhet t’i komunikohen personit në hetim dhe avokatit. Ajo që po ndodh është një gjueti shtrigash, e shfrytëzuar edhe politikisht, duke e paraqitur Agasin si ‘kryeministër në hije’, gjë që nuk është e vërtetë”, u shpreh Haxhia.
Sipas avokatit, Agasi nuk ka aplikuar dhe nuk ka përfituar asnjë tender nga AKSHI apo nga fondet e buxhetit të shtetit, si dhe nuk ka kryer asnjë veprimtari të paligjshme.
Duke iu referuar pamjeve filmike të administruara nga SPAK, ku shfaqen edhe drejtoresha e AKSHI-t, Mirlinda Karçanaj, si dhe biznesmeni Ermal Beqiri, Haxhia sqaroi se kamerat në zyrën e Agasit janë vendosur për arsye sigurie, pas tentativave për vjedhje të biznesit. Në fakt gazetarët nuk e pyetën për kamerat por për Karçanaj e Beqiri që ishin në zyrën e tij.
Avokati mohoi gjithashtu që klienti i tij të jetë arratisur, duke sqaruar se ai ndodhet jashtë Shqipërisë për të lidhur kontrata biznesi dhe se do të mbajë qëndrimin e tij sapo të kthehet në vend. Agasi ka masën e sigurisë arrest.
Ndërsa lidhur me rrëmbimin e Gerond Meçes, ai deklaroi se klienti i tij nuk e njeh dhe nuk ka asnjë lidhje me personin e marrë peng.
Avokati nuk tha gjë në lidhje me koleksioe verës së shtr
