Policia italiane ka arrestuar një shqiptar, 37-vjeçar me precedentë të mëparshëm penalë, pasi sipas informacioneve, ai ishte pjesë e një grupi që grabiste makina dhe shtëpi në zonat e Cuneos dhe Torinos.
Shqiptari i cili ishte transferuar në Padova, ka bërë rezistencë gjatë arrestimit duke goditur me shkelma dhe grushta dy agjentë, të cilët më pas janë dërguar në spital.
Në makinën e tij,një Audi A 6 me targa shqiptare, policia italiane ka sekuestruar një pistoletë Colt 357 magnum, që rezultoi e vjedhur në Treviso në vitin 2012, dy radiomarrëse, disa kapuçë dhe doreza, një shkop druri, një levë hekuri, dokumenta shqiptare si dhe disa celularë.
Gjithashtu nga ana e policisë është bërë e mundur gjetja e 3 makinave të vjedhura gjatë grabitjeve të shtëpive gjatë natës.
Mbi 37-vjeçarin rëndojnë akuzat e armëmbajtjes pa leje, kërcënim, vjedhje dhe veprime të dhunshme dhe rezistenca ndaj një zyrtari policie.
Pas arrestimi të shqiptarit, policia po vijon intensivisht kërkimet për anëtarë të tjerë të bandës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
