Bexhet Pacolli në aeroportin e Vlorës. Kulla e drejtimit në Aeroportin e VlorKryeministri Edi Rama apo stafi i tij kanë ndikuar në postimet në rrjete sociale që ka bërë gjatë ditës së sotme biznesmeni dhe politikani i njohur i Prishtinës, Behgjet Pacolli.
Ky i fundit ka ndryshuar në pak orë postimet e toj në lidhje me vizitën në shtëpinë e tij të gazetarit nga Tiranë që drejton syri tv, Çim Peka.
Moderatori i emisionit Çim Peka Live në syri tv postoi një ditë më parë rreth këtij takimi duke lënë të kuptohet se në vijim do të jetë edhe një intervistë e Pacollit në emisionin e tij lidhur me çështjen ende të paqartë të aksioneve të Aeroportit të Vlorës ku duket se janë përfshirë aktorë të ndryshëm me funksione të ndryshme nga Astana deri në Tiranë.
Gazetari Peka postoi një ditë më parë duke lajmëruar një ‘netfliks’ për çështjen.
“E kam kontestuar politikisht gjithmone, por pas sulmit te kordinuar ndaj pronave te tij prej mediave te Rames dhe Belindes, ja msyna ne konak.
Harrojeni inceneratorin, ajo qe po ndodh ne aeroportin e Vlores eshte “NETFLIX”.
Rrini te vemendshem, do degjohemi!”, shkruan Peka.
Fill më pas ka postuar Pacolli për të njëjtin takim siç shihet nga screenshots më poshtë:
Pjesa me të kuqe është ajo që ai shpjegon se a është përmendur në bisedë Kryeministri.
Pak orë më vonë ai ndryshon postimin duke e hequr këtë pjesë. Në postim shihet se mungon fjala Kryeministër, çfarë do të thotë më shumë se sa ndryshim i statusit. Do të thotë se mjegulla rreth ngjarjes është edhe më e dendur se shfaqet.
Pacolli prej disa javësh ka postuar në rrjete sociale mesazhe që lidheshin me pabesi e mosmirënjohje.
Por a është thjesht një aferë me çështje etike apo shumë më tepër, korrupsion, gjeopolitikë, siguri kombëtare, llogaritje fitimi, vjedhje aksionesh, kjo pritet të shihet në pak ditë. Vetë Pacolli sapo ka inaguruar ndërtesën e Bankës Kombëtare të Kazakistanit, ndërtuar në Astana. Premton se në shkurt aeroporti i Vlorës hapet për klientë. a.b
