Një gjendje alarmi është përhapur në Turqi pas prezencave të shumta të forcave policore në Urën e Bosforit. Ndërkohë që mediat e ndryshme vendase dhe ndërkombëtare pohojnë se po zhvillohet një tentative për një grusht shteti në Turqi.
Forcat e sigurisë si dhe ato të ushtrisë kanë bllokuar përveç asaj të Bosforit edhe urën Fatih Sultan Mehmet.
Nga raportimet e para mendohet të jenë dëgjuar të shtëna me armë pranë zyrës së shërbimit të inteligjencës. Edhe ne aeroportin e Stambollit behet e ditur se ka forca te shtuara policore dhe ushtarake.
Kryeministri turk është shprehur se qeveria është në detyrë dhe se vetëm populli mund ta ndryshojë.
Disa grupe në ushtri kanë deklaruar mosbindjen.
Kryeministri i Turqisë tha në një televizion se dikush po përpiqet të bëjë grusht ushtarak në Turqi.
“Nuk dua ta quaj një grusht. Është një kryengritje”, tha Binal Jilldirim në kanalin NTV, duke refuzuar të thotë ushtria, por vetëm disa ushtarakë.
Demokracia turke nuk do të dëmtohet, premtoi ai, ndërsa ata që po përpiqen të marrin pushtetin, do ta paguajnë shtrenjtë.
Nga ana e saj, ajo pjesë e kastës ushtarake që ka organizuar këtë grusht shteti, pretendon se e ka marrë pushtetin politik.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
