Ministri i Jashtëm Ditmir Bushati sulmoi sot Presidentin e vendit bujar Nishani duke shënuar një tjetër rekord në marrëdhëniet mes institucioneve ku një ministër i Jashtëm i sulet Presidentit, duke zëvendësuar në rolin e sherrxhiut Erion Velinë i cili ka ca kohë që thotë le ti harrojmë ato që ndodhën.
Bushati sulmoi presidentin pas një deklaratë që bëri PD nder te tjera edhe në lidhje me një incident të ministrit ndërsa Presidenti kishte njoftuar një takim me ambasadorët dhe ish-ambasadorët.
Në një artikull të shkruar për mediat e majta me titull “Për shpërfillësit e ligjit dhe frikacakët nga reforma!”, ministri i Jashtëm shkruan se “Habitem se si një President që ka mesatarisht 2-3 këshilltarë për çdo çështje (përfshirë ato protokollare), nuk sqaron opinionin publik për veprimin e tij të paprecedent në shkelje të ceremonialit të shtetit dhe praktikës së konsoliduar diplomatike shumëvjeçare, por preferon të keqpërdor tellallët e vend strehimeve politike”.
Në vijim ai thotë se ceremoniali i shtetit, si pika e vetme e referimit për protokollin e shtetit që siguron mirëkuptimin e bashkëpunimin midis institucioneve, është fare i qartë. Ai aplikohet njësoj për Presidentin, Kryetarin e Kuvendit, Kryeministrin, Ministrin e Punëve të Jashtme. Ceremoniali nuk lë shteg për interpretime partiake, e as për trajtim privat të institucioneve shtetërore, thekson ministri.
Presidenti anuloi dy ditë më parë një takim me ambasadorët duke njoftuar me elokuencë edhe arsyen. As incidenti i ministrit me siguri nuk do të ishte përfolur gjatë nëse vetë ministri nuk do të sajonte një histori tjetër përvec asaj që u tha në Presidencë në lidhje me anulimin e takimit. Por jo vetëm kaq historia e krijuar në ministrinë e Jashtme u paraqit si e vërtetë nga mediat e majta aq shume sa edhe ministri Bushati ka harruar shpjegimin e Presidencës për anulimin e takimit dhe mban mend vetëm atë që ka sajuar vetë.
Dhe kete histori nuk ia ka shkruar as Visari, sepse ai shkruan histori te verteta.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
