Tre persona të armatosur qëlluan ndaj oficerëve të policisë duke lënë tre të vdekur dhe tre të tjerë të plagosur. Ngjarja ka ndodhur në Baton Rouge të Shteteve të Bashkuara të Amerikës.
Ishte vetë shefi i komisariatit në Baton Rouge që konfirmoi vdekjen e tre oficerëve.
Ngjarja ndodhi vetëm 2 javë pas një videoje të publikuar ku policët vranë Alton Sterling në të njëjtë qytezë të Luizjanas, nga e cila mendohet të jetë provokuar zemërimi.
Nga kundërpërgjigja, mbeti i vrarë një nga personat e armatosur kurse dy të tjerë janë ende në arrati.
Deri tani nuk dihet ende motivi i kësaj përplasjeje me armë.
Polica thotë se dy të kërkuarit janë të veshur me uniformë ushtri, me të gjitha të zeza dhe ndoshta kanë dhe maskë.
Ngjarja ka ndodhur në Boton Rouge, në Louisiana të SHBA-ve. Që prej vrasjes së një personi me ngjyrë në fillim të këtij muaji oficerët e Baton Rouge kanë marrë kërcënime.
SHBA, tre të armatosur sulmojnë policinë, vriten tre oficerë dhe një i dyshuar
