Prokuroria e Përgjithshme ka nisur hetim ndaj pasurisë së gjyqtares së Gjykatës së Lartë Majlinda Andrea dhe bashkëshortit të saj Odhise Andrea, fill pas skandalit të korrupsionit me të paktën 50 mijë euro në këmbim të favorizimit në një proces gjyqësor.
Gjyqtarja Andrea u kthye ditën e djeshme nga Italia por pa bashkëshortin e saj. Ajo kisthe ikur vetëm pak orë pasi gjykata të vendoste masën e arrestit me burg për të.
Prokuroria i ka nisur shkresë ILDKP dhe përmes tyre do të zbardhë edhe llogaritë bankare dhe hipotekat e familjes Andrea.
Në deklaratën e saj të pasurisë publikuar nga opendata ka të deklaruar pronësinë familjare dhe administrimin apo drejtimin në dy kompani biznesi, njëra që merret me biznesin e materialeve të ndërtimit Granit import, dhe një tjetër shoqëri sigurie Kobra.
Po ashtu vetë Majlinda është pronarë në masën 60% të një firme në Kosovë, Besimigranit blerë për një shumë 600 euro.
Familjarisht kanë një makinë BMW.
