Gjykata e Kasacionit e Italisë ka lejuar sot përmes një vendimi përdorimin e përgjimeve si provë për të ndjekur linjat e krimit të organizuar.
Gjykata ka arritur në përfundimin se të dhënat e mbledhura nga komunikimet e koduara, si ato të platformës Sky ECC, mund të përdoren si prova në procedimet penale, për sa kohë ato janë mbledhur në mënyrë të ligjshme dhe në përputhje me standardet kombëtare dhe ndërkombëtare duke vënë theksin tek parimet procedurale dhe të drejtat themelore të individëve duke ruajtur balancën midis mbrojtjes së privatësisë dhe nevojës për të siguruar sigurinë publike.
Gjykata ka legjitimuar shkëmbimin e të dhënave mes autoriteteve të huaja për hetime lidhur me krimin e organizuar.
Për pak ditë pritet që edhe Gjykata Kushtetuese në Shqipëri të japë një vendim në lidhje me përdorimin e përgjimeve të telefonave të kriptuar në lidhje me investigime ndaj krimit të organizuar. a.b
