Ajola Xoxa me hetuesit e BKH tek zyrat e Harabel
Te galeria e Ajola Xoxës u gjet edhe një dhomë masazhi me dy tajlandezë. Shuma e gjetur është 220 mijë euro, tha sot kreu i PD, Sali Berisha në një konferencë për shtyp.
“Ju keni ndjekur këtë javë zhvillimet në Kodrën e Diellit dhe duelin e zhvilluar midis Kodrës së Diellit dhe Kodrës së Surrelit.
Denoncova falë BKH-së, të ndërgjegjshëm dixhitale, që në fillim çdo hap këtë ngjarje.
Kërcënimet që i bëri Alban Dabulla, Edi Ramës me dosjen Xibraka dhe efektet e këtyre kërcënimeve.
Kontrollet që u bënë në Harabal, por ishte edhe një lokacion tjetër, si të themi Harabeli bis.
Informova publikun se janë gjetur 230 mijë, natyrisht e ndryshoj shifrën që të mbroj sadopak burimin, por janë gjetur 220 mijë euro, por janë gjetur thasë me fatura 200 mijë, 300 mijë, 400 mijë, që vetëm Velica dhe Lalë Vjedhësi e dinë se çfarë janë ato”, tha Berisha.
Në vijim kreu i PD rrëfeu rreth disa gjetjeve të tjera gjatë kontrollit të BKH tel zyrat e ‘Harabel’.
“Është gjetur dhoma e masazhit për dy tajlandezë. A janë të punësuar aty apo merren për seanca mesazhi, këtë nuk e di. Përdoret për përfitime apo vetëm për qëllime personale salla e mesazhit, nuk e di.
E vërteta është se në një galeri, po t’u biesh galerive nga Afrika e Jugut gjer në kepin e veriut, nuk gjen një galeri arti me sallë masazhi, përveç galeria e Velicës.
Ky është realiteti”, deklaroi Berisha. r.p
