Një grua nga Azerbajxhani u arrestua në Tiranë në kuadër të operacionit “Escort”, pasi rekrutonte vajza të huaja dhe më pas i shfrytëzonte për prostitucion në Tiranë përmes njoftimeve në rrjete sociale.
Mësohet se në pranga ka rënë, Aynur Hamidova, ndërsa janë proceduar penalisht 5 persona të tjerë, 4 vajza prej tyre për ushtrim prostitucioni dhe 1 shtetas për shfrytëzim prostitucioni.
Policia thote se 35-vjeçarja rekrutonte vajza të huaja, nga Turqia dhe Azerbajxhani, dhe më pas duke përdorur një faqe online i shfrytëzonte për prostitucion.
“Në kuadër të këtij operacioni:
– u arrestua shtetasja A. H., 35 vjeçe, nga Azerbajxhani, banuese në Gjeorgji dhe Tiranë, e dyshuar për kryerjen e veprave penale “Shfrytëzimi i prostitucioni” dhe “Prostitucioni”.
U proceduan në gjendje të lirë:
– për ushtrim prostitucioni shtetaset G. Ç., 40 vjeçe, K. I., 32 vjeçe, S. E., 26 vjeçe, M. H., 26 vjeçe, A. S., 32 vjeçe, banuese përkohësisht në Tiranë;
– për shfrytëzim prostitucioni shtetasi D. A., 51 vjeç, banues në Tiranë”, njoftoi policia e Tiranës.
Shtetasja A. Hamidova dyshohet se rekrutonte shtetase të huaja, nga Turqia dhe Azerbajxhani, dhe më pas duke përdorur një faqe online i shfrytëzonte për prostitucion. Në momentin që vajzat e rekrutuara kërkonin të tërhiqeshin nga ky aktivitet kriminal, autorja e dyshuar me anë të fotove të publikuara në këtë faqe, ushtronte presion ndaj tyre. m.k
