Departamenti Amerikan i Shtetit ka vlerësuar 10 kampionët globalë kundër korrupsionit mes të cilëve edhe kreun e SPAK, Altin Dumani.
Sekretari i Shtetit, Antony Blinken e vlerësoi punën e tij dhe të SPAK.
“Kryeprokurori i Posaçëm shqiptar, Altin Dumani drejton një agjenci të re kombëtare, të mandatuar nga reforma në drejtësi në vitin 2016 që ndjek zyrtarë të lartë dhe drejtues të krimit të organizuar. Sot është institucioni publik më i besuar në Shqipëri”, u shpreh sekretari amerikan i Shtetit, Antony Blinken.
