SPAK ka urdhëruar sot mediat të ndalin publikimin e të dhënave të dosjes së organizatës së dyshuar kriminale drejtuar nga Suel Çela.
Mediat kanë publikuar deri tani pjesë të rëndësishme të saj që janë të përfshira te vendimi i GJKKO për masat e ndalimit.
“Prokuroria e Posaçme Kundër Korrupsionit dhe Krimit të Organizuar u bën thirrje të gjitha mediave dhe aktorëve publikë që të respektojnë Vendimin e Gjykatës se Posaçme Kundër Korrupsionit dhe Krimit të Organizuar (GJKKO), datë 22.11.2024 “Për caktimin e masës së sigurimit personal” për çështjen penale nr. 138 dhe legjislacionin për mbrojtjen e sekretit hetimor. Çdo publikim i paautorizuar jo vetëm dëmton procesin hetimor, por krijon pasoja të rënda për sigurinë e palëve të përfshira dhe integritetin e procesit hetimor”, thekson SPAK.
Prokuroria e Posaçme mohon të ketë qenë burim për mediat në lidhje me këtë dosjr duke aluduar për palët e goditura.
“Pas dhënies dhe marrjes së kopjeve të këtij vendimi nga të hetuarit dhe pala mbrojtëse është vënë re se pjesë të tij janë bërë publike në media, në kundërshtim me urdhrin e gjykatës dhe kuadrin ligjor. Të gjitha personave nen hetim ju është përcjellë kopje e vendimit të gjykatës kundrejt firmosjes së procesverbalit për ruajtjen e sekretit hetimor”, thuhet në njoftimin e SPAK. a.b
