I dërguari i Gjermanisë për Ballkanin Perëndimor, Manuel Sarrazin, ka bërë të premten një deklaratë shumë të fortë në televizionin e Kosovës RTK duke i dhënë tjetër kuptim ‘Ballkanit të Hapur’ që kemi dëgjuar nva Kryeministri Edi Rama në Tiranë e jashtë saj.
Nisma e Ballkanit të hapur ishte konceptuar si një akt kundër Kosovës. “Ballkani i Hapur u krijua për ta anashkaluar Kosovën” tha ai.
Kjo deklaratë bën ndërkaq edhe vlerësimin rreth asaj se pse ndodhi debati i ashpër politik në Tiranë dhe Prishtinë në lidhje me inisiativën Rama Vuçiç.
Kryeministri Rama u tërhoq nga nisma disa vite pas promovimit thuajse të përditshëm të saj.
Në korrik 2023 në Ulqin, Rama shpalli daljen nga kjo nismë, për të cilën ka qenë edhe mbrojtësi i saj.
“Edi Rama u bë zëdhënësi kryesor i idesëqë filloi si mini Shengen, me gjenezë në Beograd dhe e mbështetur fort nga Alex Soros. Jo më kot presidenti serb Aleksandar Vuçiç, që sot me sa duket ndihet i braktisur, e përgëzonte publikisht Ramën se, “pa vendosëmërinë dhe këmbënguljen e tij“ Ballkani i Hapur” do të qe i pamundur”. Kryeministri ynë u përlesh pothuajse me të gjithë faktorët shqiptarë, përfshirë edhe opozitën vendase, për ta shpënë përpara Open Balkan”, komenton lapsi.al, i cili ka shënuar të gjitha deklaratat e Ramës në fabor të Open Ballkan. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
