Lideri rus, Vladimir Putin mund të jetë në prag të shpalljes së luftës në shkallë të gjerë me NATO-n, një lëvizje që do të shkaktojë një konflikt global shkatërrues.
2601
Dhe në qoftë se vendet e NATO-s nuk i përgjigjen kërcënimit me vendosmëri të fortë një konflikt i ardhshëm mund të ketë “pasoja fatale” për aleancën me dekada të vjetër.
Paralajmërimi për këtë rrezik jepet në një raport të shkruar nga gjenerali britanik Richard Shirreff dhe ish-këshilltari i ministrit të Jashtëm të Polonisë, Maciej Olex-Szczytowski.
Ata thonë se “Perëndimi keqkupton Rusinë, duke supozuar se ajo do t’ju bindet atyre”.
Dokumenti thotë se Rusia mund të deklarojë luftë “brenda natës” dhe se NATO nuk mund të jetë në gjendje ta ndalojë atë përmes mbrojtjes në Baltik – në shtetet si Lituania dhe Letonia.
Një mobilizim i shpejtë rus do të kishte “pasoja shkatërruese për Poloninë lindore dhe pasoja fatale për Aleancën”.
Kërcënimi tronditës vjen pasi NATO dhe forcat ruse po grumbullojnë forcat në shtetet baltike, aktivitete këto që mund të shkëmbin stabilitetin botëror.
Aleanca perëndimore ka angazhuar trupa dhe ka dërguar armatime në rajon, derisa Rusia po shton forcat në kufi, përfshirë edhe raketat bërthamore.
Përkthyer nga Express.co.uk
