Vrasja e një natë më parë në fshatin Orgjost, të Njësisë Administrative të Zapodit në Kukës, e ka zanafillën shumë vite më parë, kur babai i viktimës ka vrarë babanë autorit të vrasjes me thikë të ndodhur mbrëmë përpara mesnate.
Burime pranë policisë së Kukësit bëjnë me dije se, dy familjet Alidini dhe Isa janë në hasmëri prej më shumë se një dekade, ndërkohë që konflikti është rindezur pas një tjetër incidenti që ka ndodhur mes autorit dhe viktimës së mbrëmshme, kur ky i fundit e ka ofenduar autorin e vrasjes vetëm pak javë më parë.
Ky i fundit, Ismail Alidini dyshohet se ka planifikuar gjithçka çfarë ka bërë mbrëmë, kur theri disa herë më thikë Miraim Isa 29-vjeç, i cili ndërroi jetë në spitalin e Kukësit.
Të njëjtat burime saktësojnë se, viktima ka qenë duke parë një dasmë, e cila po zhvillohej në fshat, kur papritur autori i krimit e ka goditur disa herë më thikë duke i shkaktuar edhe plagë të shumta në trup.
Tashmë Miraim Isa është arrestuar nga policia e Kukësit, ndërkohë që familja Alidini ka hapur dyert e mortit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
